සාර්ථකත්වය අත්දැකීමට නම්- Sarthakathwaya Ath dekimata nam

Name: සාර්ථකත්වය අත්දැකීමට නම්- Sarthakathwaya Ath dekimata nam
SKU: BLZOZ
Availability: InStock

Save 15%

0 customer reviews

සාර්ථකත්වය අත්දැකීමට නම්- Sarthakathwaya Ath dekimata nam

සාර්ථකත්වය අත්දැකීමට නම්- Sarthakathwaya Ath dekimata nam - Image 2

Original price was: රු700.00.Current price is: රු595.00.

Availability: In stock

SKU: BLZOZ Category: පරිවර්තන Tags: author - Sirisena Rathnayake Pahan Publishers

Product Description

පියවරෙන් පියවර පියනඟමින් ගමන් කරන මෙම ජීවන යාත්‍රාවේ තම ජීවිතය සාර්ථක ජීවිතයක් බවට පත්කර ගැනීමට නම් ඔබ ජීවිතය දිනිය යුතුමය. විශේෂයෙන්ම ඒ සඳහා තමා තමා සමඟ ඇති සබඳතාවය පිළිබඳව නිසියාකාරව දැනගත යුතු වේ. එහිදී තමා කවුද යන්න නිවැරදිව හඳුනාගැනීම සියල්ලටම ප්‍රථම වැදගත් වේ.

මෙලොව උපන් සියලුදෙනාටම තමාටම පමණක් අයිති ජීවිතයක් ඇත. එහිදී මම යනු, මා මිස අන් කවරෙකුත් නොවේ. මට ඔබ විය නොහැක. ඔබට මා විය නොහැක. මෙසේ ලෝකයේ පවතින ප්‍රාථමික නැතිනම් පළමු බෙදීම වනුයේ මම සහ ඔබ, එසේත් නොමැතිනම් මගේ සහ ඔබේ යන බෙදීමයි. සැබැවින්ම මෙය පවතින දෙයක් ද, නොපවතින දෙයක් ද යන්න පිළිබඳව සිතූ විට යමෙකුට කෙදිනක හෝ එවැනි දෙයක් නොමැති බව දැනෙන්නට පුළුවනි.

නමුත් කිසියම් වූ පුද්ගලයෙකුට මෙම තත්ත්වය පිළිබඳව නිසියාකාර අවබෝධයක් කුමන හෝ දවසක ලැබෙනු ඇත. එමෙන්ම තම ජීවිතය තුළ තමාටම උරුම වූ ගතිගුණ ඇත. යුතුකම් වගකීම් ඇත. තමාටම ආවේණික කතාබහක්, ගමන් විලාසයක්, සිතුම් පැතුම් සහ විලාසිතාවන් ඇත. නමුත් එහිදී අන් අයෙකුගේ හැසිරීමක්, කතා විලාසයක්, විලාසිතාවන් ඔබට අනුකරණය කළ හැකි වුවද එය මවා ගත් විලාසයක් පමණක්ම වේ. එයින් සිදුවනුයේ ඔබ ඔබවම සඟවා ගැනීමකි.

මිනිස් ජීවිතයේදී පවතින මූලිකම දේ වනුයේ මම නැමැති පුද්ගලයා පිළිබඳව මගේ සිත තුළ පවතින තක්සේරුව කුමනාකාරද යන්න වටහා ගැනීමයි. ඇතැම් පුද්ගලයින් තමා පිළිබඳව අධි තක්සේරුවක් ඇතිකර ගනිමින් දැඩි බලාපොරොත්තු ඇතිකර ගනු ලබයි. එහිදී අනෙකා තමාට ගරු කළ යුතුයි, සමාජය තමා පිළිබඳව දැනගත යුතුයි යනුවෙන් සිතීමට පෙළඹෙනුයේ ද එසේ තමා පිළිබඳව ඔවුන් තුළ පවතින්නා වූ අධි තක්සේරුව නිසාවෙන්ම ය.

එමෙන්ම ඇතැම් පුද්ගලයන් තමාගේ අඩුපාඩු, නොහැකියාවන් පිළිබඳව නොසිතමින් තනතුරු, අවස්ථා යනාදිය තමාට ලැබිය යුතු යැයි සිතමින් කලහකාරී ලෙස හැසිරෙනු ලබන අවස්ථා ද අද සමාජය තුළ නිතැතින්ම දැක ගැනීමට හැකිවනු ඇත.

මෙහිදී සාර්ථකත්වය යන්න ඔබේ ජීවිතය තුළ පැවතිය යුතුම දෙයකි. සාර්ථකත්වයට අදාළ විවිධ වූ පැතිකඩයන් බොහෝමයක් තිබිය හැකි වන අතර සමාජයේ එක් එක් පුද්ගලයන් සාර්ථකත්වය පිළිබඳව දකින ආකාරය සහ එක් එක් පුද්ගලයන්ට සාර්ථකත්වය දැනෙන ආකාරය වෙනස් ය.

එබැවින් ඔබේ සාර්ථකත්වය පිළිබඳව සැලකිලිමත් වන ඔබ, මුලින්ම කළ යුතු වන්නේ ඔබේ සාර්ථකත්වය කුමක්දැයි යන්න ඔබම නිර්වචනය කර ගැනීමයි. එමෙන්ම ඔබට නිවැරදි, නොසැලෙන ඉලක්කයක් තිබිය යුතුය.

එම ඉලක්කය අන් අයට පෙනීම සඳහා නොව, ඔබේ අනාගතයේ සාර්ථකත්වය සඳහා විය යුතුය. මෙසේ සාර්ථකත්වය සඳහා යන ගමනේදී ඔබට අනෙකාගේ සාර්ථකත්වය, දුර්වලතාවයන් වැදගත් නොවන අතර ඔබ ඔබම විය යුතුය. ඔබේ ඉලක්කය, සාර්ථකත්වය ඔබේ පමණක්ම ය.